ឃាត់ខ្លួនជនសង្ស័យ ២នាក់ ពាក់ព័ន្ធករណីគ្រឿងញៀន

ឃាត់ខ្លួនជនសង្ស័យ ២នាក់ ពាក់ព័ន្ធករណីគ្រឿងញៀន

ភ្នំពេញ៖ នាថ្ងៃទី២៨ ខែមករា ឆ្នាំ២០២៣ កម្លាំងមន្ទីរស្រាវជ្រាវនិងបង្ក្រាបបទល្មើស សហការជាមួយកម្លាំងមូលដ្ឋានកងអាវុធហត្ថស្រុកបាទី ដឹកនាំដោយលោក វរសេនីយ៍ឯក ង៉ែត ចាន់ធី មេបញ្ជាការរង ដោយទទួលបទបញ្ជា ពីលោក ឧត្តមសេនីយ៍ត្រី សេង មហា មេបញ្ជាកកងរាជអាវុធហត្ថខេត្តតាកែវ និងសម្របសម្រួលនិតិវិធីដោយ ឯកឧត្តម ឯក ឆេងហួត ព្រះរាជអាជ្ញា អមសាលាដំបូងខេត្តតាកែវ បានចុះបង្រ្កាបជាក់ស្ដែងករណីជួញដូរនិងប្រើប្រាស់គ្រឿងញៀន នៅចំណុចភូមិច្បារមន ឃុំកុមារាជា ស្រុកបាទី ខេត្តតាកែវ ។
ឃាត់ខ្លួនជនសង្ស័យបានចំនួន ២នាក់ (ប្រុស)៖ ១/ឈ្មោះ ចន សុខរី ហៅ អាចៀន ភេទ ប្រុស អាយុ២៧ឆ្នាំ មុខរបរ មិនពិតប្រាកដ (ជួញដូរ) រស់នៅភូមិច្បារមន ឃុំកុមារាជា ស្រុកបាទី ខេត្តតាកែវ។ ២/ឈ្មោះចន បូរ៉ាហៅ រ៉ា ភេទប្រុសអាយុ ២៧ឆ្នាំ មុខរបរមិនពិតប្រាកដ (ជួញដូរ ) រស់នៅភូមិព្រិច ឃុំត្រពាំងសាប ស្រុកបាទី ខេត្តតាកែវ។
វត្ថុតាំងដកហូតរួមមាន:
– ម្សៅក្រាមពណ៌សថ្លាចំនួន ៩កញ្ចប់(ធំ០២កញ្ចប់) ទម្ងន់:១២,០៧ក្រាម ( ដប់ពីរក្បៀសសូន្យប្រាំពីរ ) ថ្លឹងទាំងសំបកថង់
– ជញ្ជីងថ្លឹងថ្នាំញៀនចំនួន០២គ្រឿង
– សម្ភារៈជក់ថ្នាំញៀននិងសម្ភារៈវិចខ្ចប់មួយចំនួន ។
ជនសង្ស័យទាំង តេស្ដរកសារធាតុញៀនទាំង ២នាក់ (វិជ្ជមាន) ។
ជនសង្ស័យទាំង០២នាក់រួមនិងវត្ថុតាងត្រូវបានឃាត់ខ្លួននៅទីបញ្ជាការ កងរាជអាវុធហត្ថខេត្តតាកែវ ការិយាល័យជំនាញកំពុងកសាងសំណុំរឿងបញ្ជូនទៅសាលាដំបូង ខេត្តតាកែវ ចាត់ការតាមនិតិវិធី ៕