ជនសង្ស័យ យកបំពង់ទីបវាយគូទំនាស់របស់ខ្លួន រងរបួសក្បាលយ៉ាងដំណំ ខណៈកំពុង
ជនសង្ស័យ យកបំពង់ទីបវាយគូទំនាស់របស់ខ្លួន រងរបួសក្បាលយ៉ាងដំណំ ខណៈកំពុងផឹកស្រាជាមួយគ្នា ស្រវឹងស្រឿងៗ
ជនសង្ស័យ យកបំពង់ទីបវាយគូទំនាស់របស់ខ្លួន រងរបួសក្បាលយ៉ាងដំណំ ខណៈកំពុង
កណ្ដាល: ករណីចាប់ខ្លួននេះ ធ្វើឡើងនៅថ្ងៃទី១៨ ខែកុម្ភះ ឆ្នាំ២០២៣ ដែលហេតុការណ៍នេះ បានកើតឡើងកាលពីថ្ងៃទី១៥ ខែកុម្ភៈ ឆ្នាំ២០២៣ វេាលម៉ោង១៧និង០០នាទី ចំណុចភូមិ ថ្មស ឃុំ ភ្នំបាត ស្រុកពញាឮ ខេត្តកណ្តាល។
ជនសង្ស័យម្នាក់ ត្រូវបាននគរបាលស្រុកពញាឮចាប់ខ្លួនចាត់ការតាមនីតិវិធី បន្ទាប់ពីជនសង្ស័យយកបំពង់ទីបវាយគូរទំនាស់របស់ខ្លួនរងរបួសក្បាលយ៉ាងដំណំ ខណះកំពុងផឹកស្រាជាមួយគ្នាស្រវឹងស្រឿងៗ ។
ជនរងគ្រោះឈ្មោះ ផុន ពេញ ហៅតុយ ភេទប្រុស អាយុ២១ឆ្នាំ ជនជាតិ ខ្មែរ មុខរបរ កសិករ មានទីលំនៅភូមិថ្មស ឃុំភ្នំបាត ស្រុកពញាឮ ខេត្តកណ្តាល។ ចំណែកជនសង្ស័យឈ្មោះ យឹម ភារុន ភេទប្រុស អាយុ២៩ឆ្នាំ ជនជាតិ ខ្មែរ មុខរបរ ជាងកាត់សក់ មានទីលំនៅភូមិ ថ្មស ឃុំ ភ្នំបាត ស្រុក ពញាឮ ខេត្ត កណ្តាល ។
ជនរងគ្រោះឈ្មោះ ផុន ពេញ ហៅតុយ និងជនសង្ស័យឈ្មោះ យឹម ភារុន រួមនិងឈ្មោះ ស៊ន ជា ភេទប្រុស អាយុប្រហែល២៩ឆ្នាំ បាននាំគ្នាផឹកស្រាថ្នាំ ចំនួន០១លីត្រ នៅចំណុចផ្ទះរបស់ជនសង្ស័យ ភូមិថ្មស ឃុំភ្នំបាត ស្រុកពញាឮ ខេត្តកណ្តាល ក្នុងពេលកំពុងផឹកស៊ីនោះ ជនសង្ស័យបាននិយាយដេញឲ្យជនរងគ្រោះត្រឡប់ទៅផ្ទះវិញ ស្រាប់តែពេលនោះជនរងគ្រោះខឹងដេញខ្លួន បាននិយាយទៅកាន់ជនសង្ស័យថា៖ ហ្អែងខ្មោចចូលមែន បើអញដឹងហ្អែងខ្មោចចូលអ៊ីចឹងអញចាក់ហ្អែងឲ្យងាប់ រួចក៏ដើរចេញពីផ្ទះជនសង្ស័យ ភ្លាមនោះជនសង្ស័យបានស្ទុះទៅវាយប្រតាយប្រតបគ្នាទៅវិញទៅមកជាមួយជនរងគ្រោះ ខណៈពេលនោះជនសង្ស័យ បានទៅយកដែកបំពងទីបពីផ្ទះរបស់ខ្លួន វាយទៅលើជនរងគ្រោះចំពីលើក្បាល បណ្តាលឲ្យរងរបួសបែកក្បាល ក្រោយធ្វើសកម្មភាពរួចជនសង្ស័យបានគេចខ្លួនបាត់ ។
លុះដល់ថ្ងៃទី ១៨ ខែ កុម្ភៈ ឆ្នាំ ២០២៣ វេលាម៉ោង១៣និង០០នាទី ជនរងគ្រោះបានមកដាក់ពាក្យបណ្តឹង ប្តឹងនៅប៉ុស្តិ៍រដ្ឋបាលភ្នំបាត ក្រោយពីទទួលបានពាក្យបណ្តឹង កម្លាំងប៉ុស្តិ៍បានធ្វើការស្រាវជ្រាវ និងឃាត់ខ្លួនជនសង្ស័យនេះ បញ្ជូនមកអធិការដ្ឋាននគរបាលស្រុកពញាឮ ដើម្បីសាកសួរ និកងចាត់ការតាមនីតិវិធី ៕