បុរសម្នាក់បានរងរបួសបែកប្រអប់ដៃម្ខាង មើលទៅគួរឱ្យរន្ធត់ ដោយសារ

បុរសម្នាក់បានរងរបួសបែកប្រអប់ដៃម្ខាង មើលទៅគួរឱ្យរន្ធត់ ដោយសារតែការកែច្នៃគ្រាប់រំសេវ

ខេត្តពោធិ៍សាត់ ៖ កាលពីរសៀលម្សិលមិញថ្ងៃពុធ ១០កើត ខែផល្គុន ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី១ ខែមីនា ឆ្នាំ២០២៣ បុរសម្នាក់បានរងរបួសបែកប្រអប់ដៃម្ខាងមើលទៅគួរឱ្យរន្ធត់ ដោយសារតែការកែច្នៃគ្រាប់រំសេវ ។
ករណីផ្ទុះឧបករណ៍កែច្នៃ នៅចំណុចលគោ ស្ថិតនៅភូមិរគោ ឃុំសំរោង ស្រុកភ្នំក្រវាញ ខេត្តពោធិ៍សាត់ បណ្ដាលឱ្យបុរសឈ្មោះ យ៉ាត យុទ្ធា អាយុ២០ឆ្នាំ ជនជាតិខ្មែរ មានទីលំនៅ ភូមិ.ឃុំកើតហេតុ រងរបួសបែកប្រអប់ដៃស្ដាំ(ធ្ងន់)។
របាយការណ៍ដដែលបានឱ្យដឹងទៀតថា ការផ្ទុះឧបករណ៍កែច្នៃនេះដោយសារតែបុរសរងរបួសយករំសេវផាវគ្រាប់បែកមកច្នៃដាក់ក្នុងសំបកដបប្រេងកូឡាដើម្បីយកទៅបោកយកត្រី តែចៃដន្យបានផ្ទុះបែបនេះតែម្ដង។ បច្ចុប្បន្ន ជនរងគ្រោះកំពុងសម្រាកព្យាបាលនៅមន្ទីរពេទ្យបង្អែកខេត្តពោធិ៍សាត់ ៕