អគ្គិភ័យឆាបឆេះ រថយន្តហ៊ីយ៉ាន់ដាយមួយគ្រឿង មូលហេតុដែលបណ្តាលឱ្យឆាបឆេះរថយន្ត គឺមកពីជាងផ្សារធុងប្រេង អ្នករងរបួសត្រូវបាន

អគ្គិភ័យឆាបឆេះ រថយន្តហ៊ីយ៉ាន់ដាយមួយគ្រឿង មូលហេតុដែលបណ្តាលឱ្យឆាបឆេះរថយន្ត គឺមកពីជាងផ្សារធុងប្រេង អ្នករងរបួសត្រូវបានបញ្ជូនទៅសង្គ្រោះបន្ទាន់នៅមន្ទីរពេទ្យអ្នកលឿង

ខេត្តព្រៃវែង ៖ សមត្ថកិច្ចទទួលបានព័ត៌មានថា ករណីអគ្គិភ័យឆាបឆេះ រថយន្តហ៊ីយ៉ាន់ដាយមួយគ្រឿងរបស់ឈ្មោះ សុខ សីឡា ភេទប្រុស អាយុ ៦៣ឆ្នាំ នៅក្រុងបាវិត ខេត្តស្វាយរៀង ។ ក្រោយទទួលបានព័ត៌មាននេះភ្លាម កម្លាំងប៉ុស្តិ៍នគរបាលរដ្ឋបាលកំពង់សឹង និងរថយន្តពន្លត់អគ្គិភ័យចំនួន៤គ្រឿងមាន រថយន្តអធិការដ្ឋានស្រុកព្រះស្ដេច, ស្រុកកំពង់ត្របែក ,ស្រុកបាភ្នំ និងអធិការដ្ឋាននគរបាលស្រុកពាមរក៍ បានចេញធ្វើអន្តរាគមន៍បាញ់ទឹកពន្លត់ ប្រើប្រាស់ទឹកអស់ ៤ រថយន្ត ទើបធ្វើឱ្យភ្លើងរលត់ ១០០ ភាគរយ ។
មូលហេតុដែលបណ្តាលឱ្យឆាបឆេះរថយន្តខាងលើគឺមកពីជាងឈ្មោះ ទឹម ខែមរិន ផ្សារធុងប្រេង។ អ្នករងរបួសត្រូវបានបញ្ជូនទៅសង្គ្រោះបន្ទាន់នៅមន្ទីរពេទ្យអ្នកលឿង ។
សូមបញ្ជាក់ថា, លើសពីអាណិត យំមិនចេញទឹកភ្នែក .. ខ្ចីលុយគេមកទិញរបស់រកស៊ី ប៉ះកង់ឡាន ឥឡូវឆេះឡាននេះ ក៏បណ្តាលអោយឆេះរាលដាល ដល់រោងប្រជាពលរដ្ឋអស់ របួសទាំងខ្លួនទៀត នៅវេលាម៉ោង១០ព្រឹកថ្ងៃទី២៩ ខែ មីនា ឆ្នាំ២០២៣ នៅផ្សារកំពង់សឹង ស្រុកព្រះស្ដេច ខេត្តព្រៃវែង។ សូមមេត្តាម្ចាស់រថយន្តជួយសម្របសម្រួលដោះស្រាយសម្រាប់ការបាត់បង់ទ្រព្យសម្បត្តិរបស់អ្នកដទៃដូចក្នុងរូបភាពនេះផង ៕