បង្ក្រាបបានករណីក្មេងទំនើងប្រព្រឹត្តិល្មើសពីបទ ហិង្សាដោយចេតនា នៅចំណុចក្បាលស្ពានសម្ដេចហ៊ុនសែនត្រើយខាងកើត ស្តិតនៅភូមិបោះពួយ ឃុំលាច ស្រុកភ្នំក្រវាញ

បង្ក្រាបបានករណីក្មេងទំនើងប្រព្រឹត្តិល្មើសពីបទ ហិង្សាដោយចេតនា នៅចំណុចក្បាលស្ពានសម្ដេចហ៊ុនសែនត្រើយខាងកើត ស្តិតនៅភូមិបោះពួយ ឃុំលាច ស្រុកភ្នំក្រវាញ

នៅថ្ងៃទី២៥ ខែវិច្ឆិកា ឆ្នាំ២០២៤ សមត្ថកិច្ចនគរបាលយើងបានធ្វើការស្រាវជ្រាវបង្ក្រាបបានករណីក្មេងទំនើងប្រព្រឹត្តិល្មើសពីបទ ហិង្សាដោយចេតនា នៅចំណុចក្បាលស្ពានសម្ដេចហ៊ុនសែនត្រើយខាងកើត ស្តិតនៅភូមិបោះពួយ ឃុំលាច ស្រុកភ្នំក្រវាញ កាលពីថ្ងៃទី ២៤ ខែវិច្ឆិកា ឆ្នាំ២០២៤ វេលាម៉ោង ៧ នឹង៣០នាទីយប់ បង្កឡើងដោយក្រុមក្មេងទំនើងចំនួន២ក្រុមមានដូចជា ក្រុមទី១មានគ្នាចំនួន៣នាក់ ១-ឈ្មោះ ញ៉ុន ចាន់នី ភេទប្រុស អាយុ២២ឆ្នាំ រស់នៅភូមិព្រងិល ឃុំព្រងិល ស្រុកភ្នំក្រវាញ ២-ឈ្មោះ រុន ចាន់រិទ្ធ ភេទប្រុស អាយុ២២ឆ្នាំ រស់នៅភូមិព្រងិល ឃុំព្រងិល ស្រុកភ្នំក្រវាញ ៣-ឈ្មោះ យឿន ជីញ ភេទប្រុស អាយុ១៧ឆ្នាំ រស់នៅភូមិឃុំកើតហេតុខាងលើ បានជិះម៉ូតូ១គ្រឿងម៉ាក វិនន័រអិច ពណ៌ស គ្មានពាក់ស្លាកលេខ ឌុបគ្នា៣នាក់ មានកាន់ដាវកែឆ្នៃធ្វើអំពីដែក ប្រវែង៤ទឹកកន្លះចំនួន១ នឹងជំពាមកៅស៊ូចំនួន១ ពេលជិះទៅដល់ចំណុចភូមិឃុំកើតហេតុខាងលើ ក៏បានជួបនឹងក្រុមក្មេងទំនើង១ក្រុមទៀតមានគ្នាចំនួន៣នាក់ ១-ឈ្មោះ ពេជ ស៊ីហុង ភេទប្រុស អាយុ១៧ឆ្នាំ រស់នៅភូមិព្រៃខ្លុង ឃុំរកាត ស្រុកភ្នំក្រវាញ ២-ឈ្មោះ សែន ភារ៉ាន់ ភេទប្រុស អាយុ១៦ឆ្នាំ រស់នៅភូមិវាលវង់ ឃុំរកាត ស្រុកភ្នំក្រវាញ ៣-ឈ្មោះ ហ៊ន ភារ៉ាត់ ភេទប្រុស អាយុ១៧ឆ្នាំ រស់នៅភូមិវាលវង់ ឃុំរកាត ស្រុកភ្នំក្រវាញ កំពុងតែអង្គុយលេង ពេលនោះស្រាប់តែ ជនសង្ស័យឈ្មោះ ញ៉ុន ចាន់នី បានយកដាវកែឆ្នៃខាងលើគប់ទៅលើក្រុមម្ខាងទៀតតែមិនត្រូវ បន្ទាប់មកជនសង្ស័យឈ្មោះ ពេជ ស៊ីហុង បានទៅរើសយកដាវកែឆ្នៃនោះ ចំណែកបក្សពួកខ្លួនចំនួន២នាក់ទៀតទៅយក ដែកទីបជ្រុងប្រវែង១ម៉ែត្រកន្លះម្នាក់មួយទុកវៃបក្សពួកម្ខាងទៀតវិញ ហើយជនសង្ស័យឈ្មោះ ហ៊ន ភារ៉ាត់ ក៏បានរើសដុំអិដ្ឋជ្រុងគប់ទៅត្រូវម៉ូតូម៉ាកវីនន័រអិចខាងលើបណ្ដាលឲ្យខូចខាតអាវម៉ូតូផ្នែកខាងមុខតែម្ដង ករណីនេះសមត្ថកិច្ចយើងបានធ្វើការឃាត់ខ្លួនជនសង្ស័យក្រុមក្មេងទំនើង២ក្រុមមានគ្នាចំនួន៦នាក់ កសាងសំណុំរឿងចាត់ការតាមនីតិវិធីច្បាប់ តាមបញ្ជារ ឯកឧត្ដម ព្រះរាជអាជ្ញាអយ្យការអមសាលាដំបូងខេត្ត ពោធិ៍សាត់ ៕