ឃាត់ជនសង្ស័យ ពាក់ព័ន្ធនឹងបទល្មើសជលផលម្នាក់ ពេលកំពុងធ្វើសកម្ម ភាពឆក់ត្រី នៅចំណុចភូមិព្រៃក្រាំង

ឃាត់ជនសង្ស័យ ពាក់ព័ន្ធនឹងបទល្មើសជលផលម្នាក់ ពេលកំពុងធ្វើសកម្ម ភាពឆក់ត្រី នៅចំណុចភូមិព្រៃក្រាំង

ព្រៃវែង ៖ នៅថ្ងៃទី៣ ខែមករា ឆ្នាំ២០២៣ ជនសង្ស័យពាក់ព័ន្ធបទល្មើសនេសាទ ដោយប្រើឱបករណ៍ឆក់ត្រី ដែលត្រូវបានឃាត់ខ្លួន ដោយប្រជាការពារ និងកម្លាំង នគរបាលប៉ុស្តិ៍ព្រៃពោន ស្រុកកំពង់ត្របែក ហើយបញ្ជូនមករដ្ឋបាលជលផលនោះ បានបញ្ជូនទៅតុលាការ ហើយនៅរសៀលថ្ងៃទី៣ ខែមករា ឆ្នាំ២០២៣ នេះ។
ជនសង្ស័យពាក់ព័ន្ធនឹងបទល្មើសជលផលម្នាក់ ដែលប្រជាការពារ និងកម្លាំងនគរបាលប៉ុស្តិ៍ព្រៃពោន ស្រុកកំពង់ត្របែក ឃាត់ខ្លួនបាន ក្នុងពេលកំពុងធ្វើសកម្ម ភាពឆក់ត្រី នៅចំណុចភូមិព្រៃក្រាំង ហើយបញ្ជូនមកឱ្យរដ្ឋបាលជលផលនោះ ពេលនេះ រដ្ឋបាលជលផល បានបញ្ជូនទៅតុលាការ ខេត្តព្រៃវែងហើយ។ ទោះបីជាកន្លងទៅនេះ មានការចាប់បញ្ជូន ជាបន្តបន្ទាប់ ទៅតុលាការនូវជនដែលបានប្រព្រឹត្ត បទល្មើសជលផល ដោយប្រើប្រាស់ឱបករណ៍ឆក់ត្រី យ៉ាងណាក៏ដោយ ក៏បទល្មើសនេះ នៅតែបន្តកើតមាន ។ បទល្មើសជលផល ដោយប្រើឱបករណ៍ ឆក់នេះ កន្លងទៅ ត្រូវបានចូលរួមធ្វើការ ទប់ស្កាត់ យ៉ាងសកម្មពីសមត្ថកិច្ច នៅតាមមូលដ្ឋាន។
ខណ្ឌរដ្ឋបាលជលផលព្រៃវែង កាលពីថ្ងៃទី២ ខែមករា បានទទួលសំណុំរឿង បទល្មើសនេសាទ ដោយប្រើឱបករណ៍ឆក់ ១ ករណី ពីអធិការដ្ឋាននគរបាល ស្រុកកំពង់ត្របែក ដែលកម្លាំងប៉ុស្តិ៍ និងកម្លាំងប្រជាការពារ បានចុះបង្ក្រាប នៅចំណុចភូមិព្រៃក្រាំង ដែលបានប្រព្រឹត្ដឡើង ដោយជនសង្ស័យ កំពុងប្រព្រឹត្ត សកម្មភាពឆក់ត្រី ចំនួន១នាក់ ឈ្មោះ ស៊ឹម សារុំ ហៅ តក់ ភេទប្រុស អាយុ ៣៩ ឆ្នាំ នៅភូមិព្រៃក្រាំង ឃុំព្រៃពោន ដកហូតយកបានឧបករណ៍ឆក់មួយគ្រឿង ដងឆក់ភ្ជាប់ ខ្សែភ្លើងចំនួន ២ដើម ពិល១គ្រឿង អាគុយ៤០អំពែរ ចំនួន១គ្រឿង ៕