ឃាត់ខ្លួនបុរស២នាក់ សង្ស័យជាប់ពាក់ព័ន្ធ ករណី

ឃាត់ខ្លួនបុរស២នាក់ សង្ស័យជាប់ពាក់ព័ន្ធ ករណីហិង្សាដោយចេតនា

ខេត្តពោធិ៍សាត់ ៖ នៅថ្ងៃទី២៣ ខែកុម្ភៈ ឆ្នាំ២០២៣ កន្លងទៅ សមត្ថកិច្ចនគរបាលជំនាញព្រហ្មទណ្ឌ បានធ្វើការឃាត់ខ្លួនបុរស២នាក់ សង្ស័យជាប់ពាក់ព័ន្ធក្នុងករណីហិង្សាដោយចេតនា ។
ឃាត់ខ្លួនជនសង្ស័យម្នាក់ឈ្មោះ ស៊ឹម នី ហៅបូរី ភេទប្រុស អាយុ ៣៣ឆ្នាំ ជនជាតិខ្មែរ មានទីលំនៅ ភូមិទួលគូ ឃុំកោះជុំ ស្រុកកណ្ដៀង ខេត្តពោធិ៍សាត់ ហើយការឃាត់ខ្លួននេះ គឺ អនុវត្តពាក្យបណ្ដឹងរបស់ឈ្មោះ សុខ ផុន ភេទប្រុស អាយុ ៦០ឆ្នាំ ជនជាតិខ្មែរ មានទីលំនៅ ភូមិឥន្ធធ្យា ឃុំស្រែស្ដុក ស្រុកកណ្ដៀង ខេត្តពោធិ៍សាត់ថា ជនសង្ស័យ(ស៊ឹម នី ហៅបូរី)និងបក្ខពួកបានកាប់កូនប្រុសរបស់គាត់ ឈ្មោះ ផុន សេងហុង ភេទប្រុស អាយុ ១៨ឆ្នាំ ជនជាតិខ្មែរ បណ្ដាលឲ្យរងរបួសយ៉ាងធ្ងន់ធ្ងរ ខណៈមានសាក្សីចំនួន៣នាក់ ដោយទី-១ ឈ្មោះ ម៉ឹង រក្សា ភេទប្រុស អាយុ ១៦ឆ្នាំ ជនជាតិខ្មែរ រស់នៅភូមិបាគូ ឃុំស្រែស្ដុក ស្រុកកណ្ដៀង ទី-២ ឈ្មោះ លឹម ជីវ័ន្ត ភេទប្រុស អាយុ ១៦ឆ្នាំ ជនជាតិខ្មែរ រស់នៅភូមិ.ឃុំជាមួយគ្នា និងទី-៣ ឈ្មោះម៉ៃ តុនណាម ភេទប្រុស អាយុ ១៦ឆ្នាំ ជនជាតិខ្មែរ រស់នៅភូមិឥន្ធធ្យា ឃុំស្រែស្ដុក ស្រុកកណ្ដៀង ខេត្តពោធិ៍សាត់ បានចង្អុលមុខជនសង្ស័យឃាត់ខ្លួន(ស៊ឹម នី ហៅបូរី)។ របាយការណ៍ដដែលបានរាបរប់ទៀតថា ជនរងរបួស(ផុន សេងហុង)និងសាក្សីចំនួន៣នាក់(ម៉ឹង រក្សា លឹម ជីវ័ន្ត និងម៉ៃ តុនណាម)បានធ្វើដំណើររួមគ្នាដោយម៉ូតូ១គ្រឿង ត្រឡប់មកពីឃ្វាលគោនៅចំណុចព្រៃរនាមក្រោម លុះមកដល់ចំណុចអាងទឹកទួលគូ ស្ថិតនៅភូមិ.ឃុំ(កន្លែង)ខាងលើ ស្រាប់តែលេចមុខជនសង្ស័យ(ស៊ឹម នី ហៅបូរី)និងបក្សពួកម្នាក់ទៀតជិះម៉ូតូ១គ្រឿងដេញតាមរួចកាប់ចំអ្នកជិះខាងក្រោយ បណ្ដាលឲ្យរងរបួសយ៉ាងធ្ងន់ធ្ងរ ។
ឃាត់ខ្លួនជនសង្ស័យម្នាក់ ឈ្មោះ សេន ជូច ភេទប្រុស អាយុ ៣០ឆ្នាំ មុខរបរ មិនពិតប្រាកដ រស់នៅភូមិបាក់រទេះ សង្កាត់ព្រៃញី ក្រុង.ខេត្តពោធិ៍សាត់ ។
ឃាត់ខ្លួន បានយកដុំថ្មវាយក្បាលឈ្មោះ ម៉ៅ រ៉ាត់ ភេទប្រុស អាយុ ៣៤ឆ្នាំ រស់នៅភូមិ.សង្កាត់ជាមួយគ្នា បណ្ដាលឲ្យរងរបួសបែកក្បាល(ធ្ងន់)បច្ចុប្បន្ន ជនរងរបួសក្រុមគ្រួសារដឹកយកទៅព្យាបាល ចំណែកជនសង្ស័យបង្ក កំពុងបន្តនីតិវិធី ៕