បុរសម្នាក់ ត្រូវបានបងប្រុសបង្កើត អះអាងប្រាប់ថា ប្អូនប្រុសរបស់គាត់ បាន

បុរសម្នាក់ ត្រូវបានបងប្រុសបង្កើត អះអាងប្រាប់ថា ប្អូនប្រុសរបស់គាត់ បានស្លាប់ ដោយសារឆ្លងឧបករណ៍ឆក់ត្រី

ខេត្តពោធិ៍សាត់ ៖ ហេតុការណ៍អ្នកឆក់ត្រីភ្លាត់ស្នៀតឆក់ខ្លួនឯង ស្លាប់យ៉ាងណោចអាធម្មនេះ បានកើតឡើងននាព្រឹកថ្ងៃសៅរ៍ ៥កើត ខែផល្គុន ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី២៤ ខែកុម្ភៈ ឆ្នាំ២០២៣ នៅចំណុចបឹងត្រាំម្នាស់ ស្ថិតនៅភូមិកណ្ដាល ឃុំឈើតុំ ស្រុកក្រគរ ខេត្តពោធិ៍សាត់ ។ ជនរងគ្រោះ(ស្លាប់)ឈ្មោះ តូ សានឿន ភេទប្រុស អាយុ ៣៥ឆ្នាំ ជនជាតិខ្មែរ មានទីលំនៅ ភូមិផ្ទះចេក ឃុំឈើតុំ ស្រុកក្រគរ ខេត្តពោធិ៍សាត់ ។
ក្នុងរបាយការណ៍ដដែលនោះស្រ្តីឈ្មោះ ធឿន លីម អាយុ ៣៥ឆ្នាំ ជនជាតិខ្មែរ ត្រូវជាប្រពន្ធសព(តូ សានឿន)បានប្រាប់សមត្ថកិច្ចថា នៅវេលាព្រឹកមុនកើតហេតុប្ដីរបសគាត់ បានចេញទៅរកត្រីនៅចំណុចបឹងនោះពិតមែន ដោយទៅជាមួយបងថ្លៃ(បងបង្កើតប្ដីរបស់គាត់)ឈ្មោះ តូ ថា ដោយប្ដីរបស់គាត់ស្ពាយប្រដាប់ឆក់ត្រី ស្រាប់តែគាត់កំពុងហូបការកូនអ្នកភូមិក្បែគ្នា បងថ្លៃ(តូ ថា)ទូរស័ព្ទប្រាប់ថាប្ដីអូនឯងស្លាប់ហើយ ប្រាប់បងប្អូនសាច់ញាតិបរគោយន្តមកដឹងសពទៅផ្ទះ គាត់លឺបែបនេះទន់ជង្គង់រកគិតអ្វីក៍គិតពុំចេញដែរ ។
ក្នុងរបាយការណ៍ ឈ្មោះ តូ ថា បងប្រុសបង្កើតដែលទៅជាមួយបានរាបរបប្រាប់សមត្ថកិច្ចនគរបាលយើងថា ខ្លួន(តូ ថា)និងប្អូនប្រុស(ស្លាប់)តូ សានឿន ពេលទៅដល់កន្លែងរកត្រី(បឹង)ខ្លួនបានទៅរាយមងដែលនៅចម្ងាយពីគ្នាប្រមាណ១គីឡូម៉ែត្រ លុះរាយមងរួចរាល់ខ្លួនត្រឡប់មកកន្លែងហូបបាយ ដោយបាត់ប្អូនប្រុសយូពេកក៍ដើររក ស្រាប់ឃើញប្អូនប្រុសស្លាប់ឈរក្នុងទឹកដោយលឺសំឡេងអាំងវ៉ាទ័រតេត ខ្លួនក៍ស្ទុះទៅដកដង្គាបអាគុយគ្រាប្អូនឡើងគោក រួចទូរស័ព្ទមកប្រាប់អ្នកផ្ទះតែម្ដង សពមានស្នាមឆេះខ្លោចកែងដៃឆ្វេង សពបានប្រគល់ជូនសាច់ញាតិ ទទួលយកទៅធ្វើបុណ្យតាមប្រពៃណី ៕