សមត្ថកិច្ចចាប់ខ្លួនបានហើយ នៅព្រំដែនកម្ពុជា-ថៃ ! ករណីអាណិកជនខ្មែរ-អាមេរិក ដែលបាន

សមត្ថកិច្ចចាប់ខ្លួនបានហើយ នៅព្រំដែនកម្ពុជា-ថៃ ! ករណីអាណិកជនខ្មែរ-អាមេរិក ដែលបានយកខ្សែភ្លើងឆក់សម្លាប់ប្រពន្ធនៅក្នុងបុរី KC ភូមិចាក់ជ្រូក សង្កាត់សំរោងក្រោម ខណ្ឌពោធិ៍សែនជ័យ

ភ្នំពេញ ៖ បើតាមការបញ្ជាក់ពីមន្ត្រីជាន់ខ្ពស់នៃអគ្គស្នងការដ្ឋាននគរបាលជាតិ ករណីអាណិកជនខ្មែរ-អាមេរិក វ័យ៦៨ឆ្នាំ ដែលបានយកខ្សែភ្លើងឆក់សម្លាប់ប្រពន្ធនៅក្នុងបុរី KC ភូមិចាក់ជ្រូក សង្កាត់សំរោងក្រោម ខណ្ឌពោធិ៍សែនជ័យ ត្រូវសមត្ថកិច្ចចាប់ខ្លួនបានហើយ នៅព្រំដែនកម្ពុជា-ថៃ នៅរសៀលថ្ងៃទី២៥ ខែកុម្ភៈ ឆ្នាំ២០២៣នេះ ។
ជនសង្ស័យជាឃាតកមានឈ្មោះ មូល ណេត អាយុ៦៨ឆ្នាំ ជាអាណិកជនខ្មែរ-អាមេរិក បានរត់គេចខ្លួនក្រោយកើតហេតុកាលពីព្រឹកថ្ងៃទី២៤ ខែកុម្ភៈ ឆ្នាំ២០២៣។ សេចក្ដីរាយការណ៍បានឱ្យដឹងថា ជនរងគ្រោះដែលត្រូវប្ដីយកខ្សែភ្លើងឆក់បណ្ដាលឱ្យស្លាប់នេះ ឈ្មោះ កែវ ស្រីមុំ អាយុ៣៨ឆ្នាំ អាចកើតឡើងដោយសារភ្លើងប្រចណ្ឌ ទើបហ៊ានធ្វើអំពើឃាតកម្មដ៏ឃោរឃៅបែបនេះ។
សូមបញ្ជាក់ថា បើតាមការបញ្ជាក់របស់ម្ដាយជនរងគ្រោះ បានឱ្យដឹងថា ដើមឡើយគាត់ឮសំឡេងឈ្លោះប្រកែកគ្នារវាងជនរងគ្រោះនឹងប្ដី លុះមួយសន្ទុះក្រោយមកបុរសជាប្ដីបានចាក់សោចេញក្រៅ រួចជិះម៉ូតូទៅបាត់។ ក្រោយមកក្មួយរបស់ជនរងគ្រោះបានចូលទៅក្នុងផ្ទះ ហើយឃើញជនរងគ្រោះដេកនៅក្នុងបន្ទប់ទឹក ប៉ុន្ដែស្មានតែសន្លប់ក៏លើកមកដាក់លើសាឡុង ទើបដឹងថាស្លាប់ ហើយបង្កឲ្យមានការភ្ញាក់ផ្អើលតែម្ដង។ ប្តីដែលជាអាណិកជនខ្មែរ-អាមេរិកមានវ័យចំណាស់ហើយ ហើយអាចត្រូវផ្តន្ទាទោសជាប់ពន្ធនាគារអស់១ជីវិតពីបទឃាតកម្មគិតទុកជាមុន។ អ្វីដែលសង្វេគ គឺតូចៗ២នាក់នៅកំព្រា ៕