ជនសង្ស័យ ៣ នាក់ ត្រូវបានសមត្ថកិច្ចឃាត់ខ្លួន បន្ទាប់ពីបានបន្លំខ្លួនធ្វើជាព្រះសង្ឃ និមន្តបិណ្ឌបាតក្នុងកម្មវិធីបុណ្យឆ្លងសមិទ្ធផលនានា

ជនសង្ស័យ ៣ នាក់ ត្រូវបានសមត្ថកិច្ចឃាត់ខ្លួន បន្ទាប់ពីបានបន្លំខ្លួនធ្វើជាព្រះសង្ឃ និមន្តបិណ្ឌបាតក្នុងកម្មវិធីបុណ្យឆ្លងសមិទ្ធផលនានា

ខេត្តព្រៃវែង ៖ នៅថ្ងៃទី ១៦ ខែ មីនា ឆ្នាំ ២០២៣ ជនសង្ស័យ ៣ នាក់ ត្រូវបានសមត្ថកិច្ចឃាត់ខ្លួន បន្ទាប់ពីបានបន្លំខ្លួនធ្វើជាព្រះសង្ឃនិមន្តបិណ្ឌបាតក្នុងកម្មវិធីបុណ្យឆ្លងសមិទ្ធផលនានានៅក្នុងវត្តពោធិសត្ថារាម ហៅវត្ត ពានា ឋិតនៅក្នុង ភូមិពានា ឃុំអំពិលក្រៅ ស្រុកស៊ីធរកណ្ដាល ខេត្តព្រៃវែង ។
ជនសង្ស័យទាំង ៣ នាក់ដែលត្រូវឃាត់ខ្លួននោះ ទី១. ឈ្មោះ ណុច ង៉ែត ភេទប្រុស អាយុ២៧ឆ្នាំ ស្រុកកំណើត ភូមិអង្គឃ្លី ឃុំក្រាំងស្បូវ ស្រុកឈូក ខេត្តកំពត បច្ចុប្បន្ន ស្នាក់នៅ វត្តចង្ក្រានតាព្រហ្ម សង្កាត់ស្ទឹងមានជ័យ ខណ្ឌមានជ័យ ភ្នំពេញ, ទី២. ភឿន ភាព ភេទប្រុស អាយុ៣៨ឆ្នាំ ស្រុកកំណើត ភូមិដីឆ្នាំង ឃុំហងសំណំ ស្រុកឪរ៉ាល់ ខេត្តកំពង់ស្ពឺ បច្ចុប្បន្នស្នាក់នៅ វត្តចង្ក្រានតាព្រហ្ម សង្កាត់ស្ទឹងមានជ័យ ខណ្ឌមានជ័យ ភ្នំពេញ, ទី៣. ឈ្មោះ សាង ស៊ាងហេង ភេទប្រុស អាយុ១៦ឆ្នាំ ស្រុកកំណើត ភូមិចាំយាម ឃុំបាក់ខ្លង ស្រុកមណ្ឌលសីមា ខេត្តកោះកុង បច្ចុប្បន្នស្នាក់នៅ វត្តចង្ក្រានតាព្រហ្ម សង្កាត់ស្ទឹងមានជ័យ ខណ្ឌមានជ័យ ភ្នំពេញ ។
ក្រោយពីធ្វើការសាកសួរ ខាងវិន័យសង្ឃក៏បានចាប់ផ្សឹករួចបានប្រគល់អោយសមត្ថកិច្ចចាត់ការតាមវិធីច្បាប់ ៕