ជនសង្ស័យជាមុខសញ្ញាជាប់ពន្ធនាគារ ឃាត់ខ្លួន ខណ:ជនសង្ស័យទាំង២នាក់ កំពុងរើកកាយលួចដើម្បីលួចសម្ភារៈ នៅក្នុងឃ្លាំងទុកចោលមួយកន្លែង

ជនសង្ស័យជាមុខសញ្ញាជាប់ពន្ធនាគារ ឃាត់ខ្លួន ខណ:ជនសង្ស័យទាំង២នាក់ កំពុងរើកកាយលួចដើម្បីលួចសម្ភារៈ នៅក្នុងឃ្លាំងទុកចោលមួយកន្លែង

កណ្ដាល: កាលពីថ្ងៃទី២៦ ខែមីនា ឆ្នាំ២០២៣ ជនសង្ស័យជាមុខសញ្ញាជាប់ពន្ធនាគារត្រូវបាននគរបាលក្រុងតាខ្មៅឃាត់ខ្លួន ខណ:ជនសង្ស័យទាំង២នាក់ កំពុងរើកកាយលួចដើម្បីលួចសម្ភារៈនៅក្នុងឃ្លាំងទុកចោលមួយកន្លែង ចំណុចឃ្លាំងទុកចោល ភូមិព្រែករាំង សង្កាត់កំពង់សំណាញ់ ក្រុងតាខ្មៅ ខេត្តកណ្តាល។
ជនរងគ្រោះមិនស្គាល់ឈ្មោះមានទីលំនៅភូមិសង្កាត់កើតហេតុ ព្រោះមិនបានមកដាក់ពាក្យបណ្តឹង។ ជនសង្ស័យ០២នាក់៖ត្រូវជាបងប្អូនបង្កើត ៖
១-ឈ្មោះចាន់ ថុល ហៅបឿក ភេទប្រុស អាយុ២២ឆ្នាំ មុខររមិនពិតប្រាកដ ទីលំនៅភូមិព្រែកតាគង់ សង្កាត់ចាក់អង្រែលើ ខណ្ឌមានជ័យ រាជធានីភ្នំពេញ (ឃាត់ខ្លួន)។ ២-ឈ្មោះ លីម ចំរើន ភេទប្រុសអាយុ២៥ឆ្នាំ មុខរបរមិនពិតប្រាកដ ទីលំនៅភូមិតានួក ឃុំបឹងខ្យាង ស្រុកកណ្តាលស្ទឹង ខេត្តកណ្តាល (ឃាត់ខ្លួន)។
ជនសង្ស័យ០២នាក់ បាននាំគ្នាផ្លោះរបងចូល ទៅកាច់ចម្រឹងបង្អួចឃ្លាំងទុកចោលគ្មានម្ចាស់យាម ហើយនាំគ្នាដើររើកកាយក្នុងឃ្លាំងដើម្បីប៉ុនប៉ងលួចទ្រព្យសម្បត្តិ ជួនពេលនោះក៏ជួបនឹងកម្លាំងល្បាតរបស់ប៉ុស្តិ៍កំពង់សំណាញ់ បានចុះឡោមពទ្ធ័កន្លែងកើតហេតុរួចឃាត់ខ្លួនបានជនសង្ស័យ០២នាក់ បញ្ជួនមកចាត់កាត់ការតាមនិតិវិធីតែម្តង។ ជនសង្ស័យកំពុងឃាត់ខ្លួនជាបណ្តោះអាសន្ននៅអធិការដ្ឋាននគរបាលក្រុងតាខ្មៅ ដើម្បីចាត់ការតាមនិតិវិធី ៕