🇰🇭.កិច្ចប្រជុំផ្សព្វផ្សាយដាក់ផែនការការងារសន្និបាត ឆ្នាំ២០២២ និងលើកទិសដៅការងារបន្តឆ្នាំ២០២៣ ព្រមទាំងផែនការងារចាំបាច់មួយចំនួន ស្នងការនគរបាលខេត្ត

🇰🇭.កិច្ចប្រជុំផ្សព្វផ្សាយដាក់ផែនការការងារសន្និបាត ឆ្នាំ២០២២ និងលើកទិសដៅការងារបន្តឆ្នាំ២០២៣ ព្រមទាំងផែនការងារចាំបាច់មួយចំនួន ស្នងការនគរបាលខេត្ត
👮

មណ្ឌលគិរី ៖ នៅព្រឹក ថ្ងៃអង្គារ ៧រោច ខែចេត្រ ឆ្នាំខាល ចត្វាស័ក ពុទ្ធសករាជ ២៥៦៦ ត្រូវនឹង ថ្ងៃទី២៨ ខែមីនា ឆ្នាំ២០២៣ នៅសាលប្រជុំស្នងការដ្ឋាននគរបាលខេត្តមណ្ឌលគិរី។ បានបើកកិច្ចប្រជុំផ្សព្វផ្សាយផែនការការងារសន្និបាត ឆ្នាំ២០២២ និងលើកទិសដៅការងារឆ្នាំ២០២៣ ព្រមទាំងផែនការចាំបាច់មួយចំនួន របស់ស្នងការដ្ឋាននគរបាលខេត្ត នាថ្ងៃខាងមុខ។
-កិច្ចប្រជុំនាព្រឹកនេះផងដែរបានប្រព្រឹត្តធ្វើឡើងក្រោមអធិបតីភាពដ៏ខ្ពង់ខ្ពស់លោកឧត្តមសេនីយ៍ទោ ឡោ សុខា ស្នងការនគរបាលខេត្ត។ ដោយមានការអញ្ជើញចូលរួមពី លោក លោកស្រីស្នងការរង លោក លោកស្រី នាយ នាយរងការិយាល័យជំនាញ ទទួលការងារសរុបទាំងអស់ លោកមេបញ្ជាការ មេបញ្ជាការរង ទទួលសេនាធិការ វរសេនាតូចនគរបាលការពារព្រំដែនគោកទាំង០២ ៣០៣/៦២១ លោកអធិការ អធិការរងទទួលសេនាធិការ នៃអធិការដ្ឋាននគរបាល ក្រុង/ស្រុកទាំង៥ លោក នាយប៉ុស្តិ៍នគរបាលច្រកទ្វារទ្វេរភាគីទាំង០៣ ដែលបានចូលរួមសរុបចំនួនជាង ១០០ នាក់។
-ជាកិច្ចចាប់ផ្តើមបើកកិច្ចប្រជុំលោកឧត្តមសេនីយ៍ទោ ឡោ សុខា ស្នងការនគរបាលខេត្ត បានមានប្រសាសន៍ បើកកិច្ចប្រជុំ ។
-ស្ដីពីកាផ្សព្វផ្សាយដាក់ផែនការការងារសន្និបាតបូកសរុបលទ្ឋផលការងារឆ្នាំ២០២២ និងទិសដៅអនុវត្តការងារឆ្នាំ២០២៣ ដែលនិងរៀបចំឡើងនៅប៉ុន្មានថ្ងៃខាងមុខទៀតនេះនិងការ ធ្វើផែនការការពារសន្តិសុខសណ្តាប់ធ្នាប់និងសុវត្ថិភាពជូនប្រជាពលរដ្ឋក្នុងទូទាំងខេត្តមណ្ឌលគិរី ក្នុងឱកាសនៃពិធី {បុណ្យចូលឆ្នាំថ្មី ប្រពៃណីជាតិខ្មែរ} ដែលនិងខិតចូលមកដល់នាថ្ងៃខាងមុខនេះ និងត្រៀមធ្វើការប្រមូលកម្លាំងអោយបានគ្រប់គ្រាន់ធ្វើការប្រចាំការ ២៤/២៤ម៉ោង ដើម្បីការពារសន្តិសុខសណ្តាប់ធ្នាប់ក្នុងយុទ្ឋនាការឃោសនាបោះឆ្នោតរហូតដល់ថ្ងៃបោះឆ្នោតជ្រើសរើសតំណាងរាស្រ្ត ដែលនិងខិតជិតមកដល់នៅប៉ុន្មានខែខាងមុខនេះ។ និងត្រូវខិតខំយកចិត្តទុកដាក់ពង្រឹងលើការងារសន្តិសុខនៅតាមបណ្តាមូលដ្ឋាននិងខិតខំទប់ស្កាត់និងបង្រ្កាបអោយបានគ្រប់ទំរង់នូវល្បែងសុីសងគ្រប់ប្រភេទចោរលួចចោរប្លន់ និងបទល្មើសគ្រឿងញៀន ដែលបានកើតមានឡើងនៅក្នុងមូលដ្ឋានរបស់ខ្លួនគ្រប់គ្រង ៕