លោក អ៊ឹម ជីវ៉ា បានលើកឡើងថា ខ្ញុំទប់ទឹកភ្នែកមិនជាប់ទេ សូមអ្នកទៅឲ្យបានសុខណា អ្នកអើយ អ្នកជាមនុស្សល្អខ្លាំងណាស់ ម្តាយបង ឌួង ហ្សូរីដា ទទួលមរណភាពហើយ

លោក អ៊ឹម ជីវ៉ា បានលើកឡើងថា ខ្ញុំទប់ទឹកភ្នែកមិនជាប់ទេ សូមអ្នកទៅឲ្យបានសុខណា អ្នកអើយ អ្នកជាមនុស្សល្អខ្លាំងណាស់ ម្តាយបង ឌួង ហ្សូរីដា ទទួលមរណភាពហើយ

ភ្នំពេញ៖ ការបង្ហោះសារ ជូនពរលើកទឹកចិត្តទៅកាន់កញ្ញា ឌួង ហ្សូរីដា និងម្តាយ ត្រូវបានសិល្បករ និងអ្នកជិតដិតធ្វើឡើងបន្ទាប់ពីស្ថានភាពជំងឺរបស់ម្តាយនាងហាក់មានសភាពធ្ងន់ធ្ងរទៅៗរហូតត្រូវសម្រាកសម្រាន្តនៅលើគ្រែពេទ្យជាច្រើនថ្ងៃដោយមិនដឹងខ្លួន។ ដំណឹងមរណភាពរបស់ម្តាយនាងត្រូវបានអ្នកសិល្បៈបញ្ចេញមុននេះក្រោយជំងឺមហារីករបស់ម្តាយនាងដែលបានតស៊ូព្យាបាលជាច្រើនឆ្នាំនៅប្រទេសថៃ។

តាមការបញ្ចេញសាររបស់លោក អ៊ឹម ជីវ៉ា មុននេះបានលើកឡើងថា ខ្ញុំទប់ទឹកភ្នែកមិនជាប់ទេ សូមអ្នកទៅឲ្យបានសុខណាអ្នកអើយ អ្នកជាមនុស្សល្អខ្លាំងណាស់ ម្តាយបង ឌួង ហ្សូរីដា ទទួលមរណភាពហើយដោយជំងឺមហារីក។ រសៀលថ្ងៃទី០១ ខែឧសភា ឆ្នាំ ២០២៣នេះគេបានឃើញតារាស្រី ឌួង ហ្សរីដា បានប្តូរូបថតProfile ដែលមានន័យថា នាងខ្ញុំកាន់ទុក្ខលោកម៉ែ យ៉ាលីន លុខលីម ដែលរូបថតនេះភ្ជាប់ដោយសារយ៉ាងកម្សត់និងក្តុកក្តួលថាលោក ម៉ែ ឈប់ឈទៀតហើយ លោកម៉ែគេងឲ្យលងក់លក់ចុះ ជាតិនេះជាតិក្រោយកូនស្រលាញ់លោកម៉ែរហូត។ សិល្បករជាច្រើនបានបញ្ចេញសារ និងចែករំលែកការចូលរួមមរណទុក្ខចំពោះក្រុមគ្រួសារពិធីការិនី ឌួង ហ្សូរីដា។

ម្តាយរបស់នាងដែលមានជំងឺមហារីកបានព្យាយាមព្យាបាលនៅមន្ទីរពេទ្យបំរ៉ុងរ៉ាត់ ជាច្រើនឆ្នាំកន្លងមកហើយ និងត្រូវចាក់គីមីដើម្បីប្រឆាំងនឹងជំងឺមហារីកប៉ុន្តែពេលនេះស្ថានភាពគាត់កាន់តែធ្ងន់ធ្ងររហូតទទួលមរណភាពដែលបង្កើតឲ្យអ្នកសិល្បៈ ពិសេសអ្នកដែលជិតស្និទ្ធស្គាន់នាងនិងម្តាយនាងសោកស្តាយជាខ្លាំងព្រោះតែម្តាយនាងជាមនុស្សល្អ មានមេត្តាធម៌៕