គ្រោះថ្នាក់ចរាចរណ៍ រវាងឡាននិងឡាន បុកគ្នា បណ្ដាលឱ្យខ្ទេចមួយចំហៀងខាងមុខ

គ្រោះថ្នាក់ចរាចរណ៍ រវាងឡាននិងឡាន បុកគ្នា បណ្ដាលឱ្យខ្ទេចមួយចំហៀងខាងមុខ

ភ្នំពេញ ៖ កាលពី ថ្ងៃទី០៨ខែកក្កដាឆ្នាំ២០២៣ បុរសម្នាក់បានបេីករថយន្តម៉ាកធុនដ្រាមួយគ្រឿងក្នុងល្បឿនលឿននិងមិនប្រយ័ត្នបានជ្រុលទៅបុករថយន្តកូរ៉េដឹកផ្លែឈេីពីក្រោយយ៉ាងពេញទំហឹងបណ្ដាលឱ្យរថយន្ដធុនដ្រាខ្ទេចខាងមុខមួយចំហៀងផ្នែកខាងស្ដាំ ស្ថិតនៅតាមបណ្ដោយផ្លូវម៉ៅសេទុងក្នុងសង្កាត់ផ្សារដើមគ   ខណ្ឌទួលគោក ។

នៅមុនពេលកើតហេតុគេឃើញរថយន្តម៉ាកធុនដ្រា ពណ៌ខ្មៅមួយគ្រឿងពាក់ផ្លាកលេខភ្នំពេញ 2AE-6266 បើកបរដោយបុរសម្នាក់ធ្វើដំណើរតាមបណ្ដោយផ្លូវម៉ៅសេទុង ក្នុងទិសដៅពីត្បូងទៅជើងដោយល្បឿនលឿន។ លុះបើកមកដល់ចំណុចកើតហេតុខាងលើក៏បានជ្រុលទៅបុករថយន្តកូរ៉េដឹកផ្លែឈើ មួយគ្រឿងពណ៌ស ពាក់ផ្លាកលេខ ភ្នំពេញ2BN-0619 បើកដោយបុរសម្នាក់ធ្វេីដំណេីរពីមុខ ក៏ត្រូវរថយន្តធុនដ្រាបុកចំពីក្រោយយ៉ាងពេញទំហឹងបណ្តាលឱ្យរថយន្តកូរ៉េខូចខាតកាងតិចតួចនិងខូចខាតផ្លែឈើរអស់មួយចំនួន ។ ចំណែករថយន្តបង្កម៉ាកធុនដ្រាខូចខាតមួយចំហៀងមុខផ្នែកខាងស្ដាំទាំងស្រុង តែសំណាងដែរដែលមិនបង្កឱ្យមានគ្រោះថ្នាក់ដល់មនុស្ស។

 សមត្ថកិច្ចមូលដ្ឋានប៉ុស្តិ៍នគរបាលរដ្ឋបាលសង្កាត់ផ្សារដើមគបានចុះមកដល់ រួចឱ្យភាគីទាំងសងខាងសម្រួលគ្នាមួយជំហាន ។ បន្ទាប់ពីសម្របសម្រួលគ្នាមួយសន្ទុះ ភាគីរថយន្តបង្កម៉ាកធុនដ្រាព្រមទទួលកំហុសនិងព្រមចេញថ្លៃជួសជុលទៅលើរថយន្តកូរ៉េដឹកផ្លែឈើ បញ្ចប់រឿងនៅនឹងកន្លែងកើតហេតុ៕