បង្ក្រាបទីតាំងម៉ាស្សា ឃាត់ខ្លួនម្ចាស់ទីតាំង ៣នាក់ និងរំដោះនារីរងគ្រោះបាន៣នាក់

បង្ក្រាបទីតាំងម៉ាស្សា ឃាត់ខ្លួនម្ចាស់ទីតាំង ៣នាក់ និងរំដោះនារីរងគ្រោះបាន៣នាក់

ភ្នំពេញ៖ ប្រតិបត្តិការនេះបានធ្វេីឡេីងកាលពី ៨យប់ថ្ងៃទី១០ ខែកក្កដា ឆ្នាំ២០២៣ នៅហាងម៉ាស្សាយីហោ ណារី ម៉ាស្សា ស្ថិតនៅបុរីញូវថោន ក្នុងភូមិព្រៃទា១ សង្កាត់ចោមចៅទី៣ ខណ្ឌពោធិ៍សែនជ័យ។

សមត្ថកិច្ចនគរបាលនៃការិយាល័យជួញដូរមនុស្សនិងការពារអនីតិជន បានសហការជាមួយអាជ្ញាធរសង្កាត់ចោមចៅទី៣ ចុះត្រួតពិនិត្យ ទីតាំងម៉ាស្សាកោសជប់មួយកន្លែងឃាត់ខ្លួនម្ចាស់ផ្ទះនិងក្មួយចំនួន៣នាក់ ហេីយបានរំដោះនារីរងគ្រោះចំនួន៣នាក់ ផងដែរ។

ប្រតិបត្តិការនិងត្រួតពិនិត្យទីតាំងនេះ កម្លាំងសមត្ថកិច្ចបានរកឃេីញស្រោមអនាម័យមួយចំនួនដោយសង្ស័យទីតាំងខាងលេីបង្កប់សេវាកម្មផ្លូវភេទ។
ទីតាំងនេះ ត្រូវបានបិទជាបណ្តោះអាសន្ន ចំណែកម្ចាស់ទីតាំងរួមទាំងនារីរងគ្រោះត្រូវបានកម្លាំងសមត្ថកិច្ចនាំខ្លួនទៅការិយាល័យដេីម្បីសាកសួរបន្ត៕