ស្ត្រីជាអ្នកប្រកបរបររកស៊ីអ៊ុតសក់ម្នាក់ ខណៈទុកកាបូបលុយលើតុ ហើយចូលទៅបត់ជើងនៅក្នុងបន្ទប់ទឹកមួយភ្លែតចេញមកវិញ ជនសង្ស័យចូលទៅលួចយកកាបូបលុយជាងបីពាន់ដុល្លារ គេចខ្លួនបាត់ស្រមោល

ស្ត្រីជាអ្នកប្រកបរបររកស៊ីអ៊ុតសក់ម្នាក់ ខណៈទុកកាបូបលុយលើតុ ហើយចូលទៅបត់ជើងនៅក្នុងបន្ទប់ទឹកមួយភ្លែតចេញមកវិញ ជនសង្ស័យចូលទៅលួចយកកាបូបលុយជាងបីពាន់ដុល្លារ គេចខ្លួនបាត់ស្រមោល

ភ្នំពេញ ៖ កាលពី យប់ថ្ងៃទី២៦ខែវិច្ឆិកាឆ្នាំ ២០២៤ នៅផ្ទះជួលរបស់ជនរងគ្រោះ ក្នុងបុរីជ្រោយបាសាក់ ស្ថិតក្នុងមូលដ្ឋាន សង្កាត់ព្រែកប្រា ខណ្ឌច្បារអំពៅ រាជធានីភ្នំពេញ ។
ស្ត្រីជាអ្នកប្រកបរបររកស៊ីអ៊ុតសក់ម្នាក់ ខណៈទុកកាបូបលុយលើតុ ហើយចូលទៅបត់ជើងនៅក្នុងបន្ទប់ទឹកមួយភ្លែតចេញមកវិញ ក៏ត្រូវជនសង្ស័យចូលទៅលួចយកកាបូបលុយដែលមានលុយជាងបីពាន់ដុល្លារគេចខ្លួនបាត់ស្រមោលតែម្តង ។
ជនរងគ្រោះឈ្មោះ ឌីចាន់ ម៉ារីការ ភេទស្រី អាយុ២៤ឆ្នាំ មុខរបរអ៊ុតសក់ ស្នាក់នៅផ្ទះកេីតហេតុ ខាងលើ ។

នៅមុនពេលកើតហេតុ រូបគាត់បានអង្គុយនៅកន្លែងអ៊ុតសក់របស់គាត់ធម្មតា ដើម្បីរង់ចាំភ្ញៀវម្នាក់មកធ្វើការអ៊ុតសក់នៅក្នុងហាងផ្ទះរបស់គាត់ហើយគាប់ជួនក៏ចាំយូរនោះ គាត់ក៏ឆ្លៀតចូលទៅបន្ទប់ទឹកបត់ជើងមួយភ្លែតដោយបានទុកកាបូបលុយរបស់គាត់នៅលើតុទូ ហើយក៏ចូលទៅបត់ជើងដូចធម្មតា លុះចេញមកវិញ ក៏ស្រាប់តែក្រឡេកមើលកាបូបលុយរបស់គាត់ដែលមានលុយបីពាន់ដុល្លារជាងតិចតួចទុក នៅលើទូ ត្រូវបានជនសង្ស័យលួចយកទៅបាត់តែម្ដងទៅ ។

ករណីនេះដែរពួកគាត់ក៏បានសុំឲ្យបងប្អូនប្រជាពលរដ្ឋដែលរស់នៅក្បែរនោះចូលឆែកកាមេរ៉ាមើលឃើញថាសកម្មភាពរបស់ជនសង្ស័យម្នាក់បានជិះម៉ូតូមួយគ្រឿងមកឈប់នៅមុខហាងរបស់គាត់ហើយក៏បានចូលទៅក្នុងផ្ទះលួចយកកាបូបហើយឡើងជិះម៉ូតូ ចេញទៅបាត់តែម្ដង ។
ជនរងគ្រោះបានត្រឹមតែទាំងអារម្មណ៍សោកស្ដាយ រួចគាត់ក៏បានដាក់ពាក្យបណ្ដឹងនៅប៉ុស្តិ៍នគរបាលរដ្ឋបាលព្រែកប្រា សមត្ថកិច្ចលោកធ្វើការស្រាវជ្រាវរកជនសង្ស័យក៏ដូចជារបស់ទ្រព្យគាត់មកវិញ ៕