ឃាត់ខ្លួនជនសង្ស័យ ម្នាក់ ករណី ហិង្សាដោយចេតនា និងប្រើប្រាស់ដោយខុសច្បាប់នូវសារធាតុញៀន
ឃាត់ខ្លួនជនសង្ស័យ ម្នាក់ ករណី ហិង្សាដោយចេតនា និងប្រើប្រាស់ដោយខុសច្បាប់នូវសារធាតុញៀន
កណ្តាល៖ កាលពីថ្ងៃទី០៨ខែធ្នូឆ្នាំ ២០២៤ យប់ នៅចំណុច: ក្រោមផ្ទះជនសង្ស័យស្ថិតក្នុងភូមិព្រែកខ្នាច ឃុំលើកដែក ស្រុកកោះធំ ខេត្តកណ្តាល។
ជនរងគ្រោះ ឈ្មោះ ចាប លីជាង អាយុ ២៣ឆ្នាំ ជនជាតិខ្មែរ មានទីលំនៅភូមិព្រែកខ្នាច ឃុំលើកដែក ស្រុកកោះធំ ខេត្តកណ្តាល មុខរបរ (នេសាទ) បណ្តាលអោយជនរងគ្រោះរងរបួសហើមគន្លាក់ជើងខាងស្តាំនិងហើយខ្នងដៃខាងឆ្វេង។
ជនសង្ស័យចំនួន០១នាក់(ឃាត់ខ្លួន) ឈ្មោះ ខ្លូន សុត ភេទប្រុស អាយុ ៣៤ឆ្នាំ ជនជាតិ ខ្មែរ មានទីលំនៅភូមិព្រែកខ្នាច ឃុំលើកដែក ស្រុកកោះធំ ខេត្តកណ្តាល មុខរបរ (នេសាទ)
ជនសង្ស័យបានធ្វើតេស្តទឹកនោមរកសារធាតុញៀន ជាលទ្ធផល (វិជ្ជមាន + ) ។
មុនពេលកើតហេតុថ្ងៃទី០៨ខែធ្នូ ឆ្នាំ២០២៤ វេលាម៉ោង១៩.១០នាទី ជនរងគ្រោះឈ្មោះ(ចាប លីជាង) បានរៀបចំឡើងទូកទៅនេសាទត្រីស្រាប់តែឮសូរសម្លេងបងស្រីរបស់ខ្លួនស្រែកប្រាប់ថាអោយឡើងទៅមើលម្តាយបន្តិចទៅពីព្រោះអីមានឮសូរសម្លេងស្រែឡូរឡានៅផ្ទះរបស់ខ្លួន ។នៅពេលនោះជនរងគ្រោះឈ្មោះចាប លីជាង បានដើរទៅមើលបានពាក់កណ្តាលផ្លូវស្រាប់តែជនសង្ស័យឈ្មោះ ខ្លូន សុត បានរត់ចេញពីក្រោមផ្ទះដោយនៅក្នុងដៃមានកាន់កំបិតផ្គាក់ហើយបានធ្វើសកម្មភាព កាប់ទៅលើជនរងគ្រោះឈ្មោះចាប លីជាង តែពេលនោះជនរងគ្រោះបានស្រែកប្រាប់ថាបងសុត ខ្ញុំទេតើសនៅពេលឮសូរជនរងគ្រោះស្រែកប្រាប់ចឹងជនសង្ស័យក៏បានស្ទុះចូលទៅចាប់ទាញជនរងគ្រោះអូសចូលទៅក្រោមផ្ទះរបស់ខ្លួន ហើយបានយកកំបិតផ្គាក់កាប់ទៅលើមកជនរងគ្រោះឈ្មោះចាប លីជាង ត្រូវចំគន្លាក់ជើងខាងស្តាំនិងត្រូវខ្នងដៃខាងឆ្វេងបណ្តាលអោយហើមជាំ ហើយជនសង្ស័យបាន និយាយចោទប្រកាន់ទៅលើជនរងគ្រោះថាអ្ហែងបានសម្លាប់បងប្រុសរបស់អញ់ភ្លាមនោះជនរងគ្រោះបានឆ្លើយតបទៅវិញថាខ្ញុំអត់ដឹងអីទេបង ហើយជនរងគ្រោះបានស្រែកខ្លាំងៗថាជួយខ្ញុំផងនៅពេលនោះម្តាយរបស់ជនសង្ស័យគាត់បានឮសូរសម្លេងស្រែកអោយជួយផងគាត់ក៍បានស្ទុះចុះពីលើផ្ទះហើយបានចូលទៅចាប់ទាញយកកាំបិទផ្គាក់ចេញពីដៃរបស់ជនស្ស័យ ឈ្មោះខ្លូន សុត ភ្លាមនោះបងស្រីហើយនិងម្តាយបង្កើតរបស់ជនរងគ្រោះគាត់ក៏បានស្ទុះចូលទៅចាប់ទាញយកជនរងគ្រោះឈ្មោះចាប លីជាង អោយរត់ចេញពីផ្ទះរបស់ជនសង្ស័យអោយដើរត្រឡប់ទៅផ្ទះខ្លួនវិញ។
ក្រោយមកជនរងគ្រោះហើយនិងម្តាយបាននាំគ្នាទៅអង្គុយលេងនៅលើគ្រែខាងមុខផ្ទះឈ្មោះស្រូយ ស្រិត ស្រាប់តែជនសង្ស័យឈ្មោះខ្លូន សុត បានដើរមកតាម ក្រោយដោយនៅក្នុងដៃមានកាំបិតផ្គាក់ដងឬស្សីមកជាមួយផងហើយបានស្រែកសួរទៅកាន់ជនរគ្រោះថាអ្ហែងត្រូវបានអញ់កាប់ចំកន្លែងណាខ្លះ នៅពេលនោះជនរងគ្រោះមិនបានឆ្លើយតបនោះទេ។ ដោយឃើញសភាពការណ៍មិនស្រួលម្តាយរបស់ជនរងគ្រោះគាត់បានខលទូរសព្ទ័ប្តឹងមកលោកនាយប៉ុស្តិនគរបាលរដ្ឋបាលលើកដែក អោយចុះមកជួយអន្តរាគមន៍ផង ក្រោយពេលទទួលបានបណ្តឹងភ្លាមលោកនាយប៉ុស្តិនគរបាលរដ្ឋបាលលើកដែក បានដឹកនាំកម្លាំងចុះទៅដល់កន្លែងកើតហេតុនិងបានឃាត់ខ្លួនជនសង្ស័យឈ្មោះខ្លូន សុត រួមទាំងវត្ថុតាងមានកាំបិតផ្គាក់ចំនួន០២ដើម។
ជនសង្ស័យ សារភាពថា ខ្លួនពិតជាបានធ្វើសកម្មភាពយកកាំបិតផ្គាក់កាប់ទៅលើជនរងគ្រោះឈ្មោះចាប លីជាង ពិតប្រាកដមែន។
ឃាត់ខ្លួន ជនសង្ស័យឈ្មោះខ្លូន សុត នៅអធិការរដ្ឋាននគរបាលស្រុកកោះធំ ដើម្បីសាកសួរកសាងសុំណុំរឿងចាត់ការតាមនិត្តិវិធីច្បាប់ ៕