ស្ត្រីម្នាក់ មានអាការៈក្តៅខ្លួនហត់បានទៅពេទ្យគ្លីនិកគ្មានឈ្មោះមួយកន្លែង ទីតាំងស្ថិតនៅក្នុងភូមិព្រៃទាមួយ សង្កាត់ចោមចៅទី3 ខណ្ឌពោធិ៍សែនជ័យ បង្កការភ្ញាក់ផ្អើល

ស្ត្រីម្នាក់ មានអាការៈក្តៅខ្លួនហត់បានទៅពេទ្យគ្លីនិកគ្មានឈ្មោះមួយកន្លែង ទីតាំងស្ថិតនៅក្នុងភូមិព្រៃទាមួយ សង្កាត់ចោមចៅទី3 ខណ្ឌពោធិ៍សែនជ័យ បង្កការភ្ញាក់ផ្អើល

ភ្នំពេញ ៖ កាលពីថ្ងៃទី១១ ខែធ្នូ ឆ្នំា២០២៤នេះ ស្ត្រីវ័យ30ឆ្នាំជាងម្នាក់ មានអាការៈក្តៅខ្លួនហត់បានទៅពេទ្យគ្លីនិកគ្មានឈ្មោះមួយកន្លែង ដែលមានទីតាំងស្ថិតនៅក្នុងភូមិព្រៃទាមួយ សង្កាត់ចោមចៅទី3 ខណ្ឌពោធិ៍សែនជ័យ រាជធានីភ្នំពេញ ពេទ្យពិនិត្យ និងព្យួរសេរ៉ូមអោយ ព្យួរសេរ៉ូមបាន 50% ក៏បានសុំពេទ្យទៅសម្រាកនៅផ្ទះ ក៏ស្រាប់តែមានអាការៈធ្វើទុកខ្លាំង ប្ដីក៏បានបញ្ជូនប្រពន្ធតាមកង់បីទៅសង្គ្រោះនៅមន្ទីរពេទ្យលោកសង្ឃ។ ពេលដឹកដល់មន្ទីរពេទ្យលោកគ្រូពេទ្យជំនាញបានប្រាប់ថាប្រពន្ធរបស់គាត់បានបាត់បង់ជីវិតបាត់ទៅហើយ។

សមត្ថកិច្ចជំនាញផ្នែកចក្ខុសហការជាមួយសមត្ថកិច្ចមូលដ្ឋានបានចុះធ្វើកំណត់ហេតុនៅទីតាំងបន្ទប់ជួលស្ត្រីខាងលើ និងទីតាំងគ្លីនិកគ្មានឈ្មោះមួយកន្លែងនោះ។ ហើយក៏បានធ្វើលិខិតប្រគល់សាកសពជូនទៅក្រុមគ្រួសារដើម្បីយកទៅធ្វើបុណ្យតាមប្រពៃណី។សូមបញ្ជាក់បច្ចុប្បន្នសពស្ត្រីខាងលើត្រូវបានតម្កល់នូវវត្តតាំងកសាំង។

សូមក្រសួងសុខាភិបាល មេត្តាត្រួតពិនិត្យទៅលើគ្លីនិកគ្មានឈ្មោះមួយកន្លែងនេះផងទៀត។ តាមរបាយការណ៍សមត្ថកិច្ចដែលបានសាកសួរទៅលើគ្រូពេទ្យគ្លីនិកគ្មានឈ្មោះនោះបានបញ្ជាក់ថាគឺលោកគ្រូពេទ្យមិនទាន់បានរៀនជំនាញពេទ្យច្បាស់លាស់នៅឡើយទេ គឺបញ្ចប់ការសិក្សាត្រឹមថ្នាក់ទី12 តែប៉ុណ្ណោះ ៕