ជនសង្ស័យចំនួន 3 នាក់ ត្រូវបានកម្លាំងជំនាញស្រុកទ្រាំងឃាត់ខ្លួនករណីគ្រឿងញៀន

ជនសង្ស័យចំនួន 3 នាក់ ត្រូវបានកម្លាំងជំនាញស្រុកទ្រាំងឃាត់ខ្លួនករណីគ្រឿងញៀន

ស្រុកទ្រាំង: ដោយអនុវត្តតាមបទបញ្ជាយ៉ាងម៉ឺងម៉ាត់របស់លោកឧត្ដមសេនីយ៍ទោ ម៉ែន លី ស្នងការនគរបាលខេត្តតាកែវ និងមានការសម្របសម្រួលនីតិវិធីពីឯកឧត្ដម ឯក ឆេងហ៊ួត ព្រះរាជ អាជ្ញាអមសាលាដំបូង ខេត្តតាកែវ និងមានការចង្អុលបង្ហាញពី លោកវរសេនីយ៍ទោ កប សេម អធិការ នៃអធិការដ្ឋាននគរបាលស្រុកទ្រាំង ។
ថ្ងៃអង្គារទី១០ ខែធ្នូ ឆ្នាំ២០២៤ កម្លាំងជំនាញ និងកម្លាំងអន្តរាគមន៍ សហការជាមួយ ប៉ុស្តិ៍នគរបាលរដ្ឋបាលស្មោង បង្ក្រាបករណី ជួញដូរ ដឹកជញ្ជូន និងប្រើប្រាស់ដោយខុសច្បាប់នូវសារធាតុញៀន (០១ករណី) (០១ទីតាំង) នៅចំណុចផ្លូវជាតិលេខ២ ក្បែរស្ពានកំពង់ជ្រៃ ស្ថិតនៅភូមិកំពង់ជ្រៃ ឃុំស្មោង ស្រុកទ្រាំង ខេត្តតាកែវ ឃាត់ខ្លួនជនសង្ស័យចំនួន ០៣នាក់ ÷
១/ ឈ្មោះ ដុញ ពិសិដ្ឋ ភេទប្រុស អាយុ ២៤ឆ្នាំ មុខរបរមិនពិតប្រាកដ បច្ចុប្បន្នរស់នៅភូមិតាប៊ួ ឃុំពេជសារ ស្រុកកោះអណ្ដែត ខេត្តតាកែវ (ជួញដូរនិងប្រើប្រាស់)
២/ ឈ្មោះយុិន វល័ក្ខ ភេទប្រុស អាយុ២៤ឆ្នាំ មុខរបរមិនពិតប្រាកដ បច្ចុប្បន្នរស់នៅភូមិតាប៊ួ ឃុំពេជសារ ស្រុកកោះអណ្ដែត ខេត្តតាកែវ (ជួញដូរ ប្រើប្រាស់)
៣/ ឈ្មោះឡុង រ៉ូត ភេទប្រុស អាយុ៣០ឆ្នាំ មុខរបរមិនពិតប្រាកដ បច្ចុប្បន្នរស់នៅភូមិព្រៃធំ ឃុំពេជសារ ស្រុកកោះអណ្ដែត ខេត្តតាកែវ (ដឹកជញ្ជូន ប្រើប្រាស់) ។
ដកហូតវត្ថុតាង : ម្សៅក្រាមពណ៌សថ្លាសង្ស័យជាសារធាតុញៀនចំនួន០៤កញ្ចប់ ទូរស័ព្ទ ០២គ្រឿង ម៉ូតូ ០២គ្រឿង ១/.ម៉ាកវីននេី(winner) ពណ៌ខៀវ លាយស បិទតែមពណ៌ខ្មៅ គ្មានផ្លាកលេខ ២/. ម៉ាកហុងដា c១២៥ សេរីឆ្នាំ ២០១៨ ពណ៌ខ្មៅ ផ្លាកលេខ តាកែវ 1P-8837 ។
កម្លាំងជំនាញបាននាំជនសង្ស័យមកកាន់អធិការដ្ឋាននគរបាលស្រុក ដើម្បីសាកសួរ និងកសាងសំណុំរឿងបញ្ជូនទៅស្នងការដ្ឋាននគរបាលខេត្តតាកែវ តាមនីតិវិធីច្បាប់ ៕