បង្ក្រាបបទល្មេីសធនធានធម្មជាតិលេីបឹងទន្លេសាប នៅភូមិកំពង់លើ ឃុំក្បាលត្រាច ស្រុកក្រគរ ខេត្តពោធិ៍សាត់

បង្ក្រាបបទល្មេីសធនធានធម្មជាតិលេីបឹងទន្លេសាប នៅភូមិកំពង់លើ ឃុំក្បាលត្រាច ស្រុកក្រគរ ខេត្តពោធិ៍សាត់

នៅវេលាម៉ោង១៩:០០ នាទី យប់ថ្ងៃទី១៥ ខែមករា ឆ្នាំ២០២៥ ក្រុមការងារបង្ក្រាបបទល្មើសនេសាទ បឹងទន្លេសាប របស់យោធភូមិភាគទី៥ កងទ័ពជើងគោក សហការជាមួយ នឹងកម្លាំងបង្កើនរបស់ថ្នាក់លើ ស្ទាក់ចាប់ឈ្មួញដឹកលៀស បាននៅភូមិកំពង់លើ ឃុំក្បាលត្រាច ស្រុកក្រគរ ខេត្តពោធិ៍សាត់ ក្នុងនោះ ឃាត់ទូកបានចំនួន១ គ្រឿង ដឹកលៀសទម្ងន់១០តោន និងរថយន្តកូរ៉េ ស្លាកលេខ 3B-4302 ព៌ណទឹកប៊ិច ចំនួន១គ្រឿង ដឹកលៀស ទម្ងន់៨តោន សរុបរួម១៨តោន ឃាត់ខ្លួនមនុស្សចំនួន២នាក់ ៖
១-ឈ្មោះ សុខ មាស ភេទប្រុស អាយុ ២៨ឆ្នាំ មានទីលំនៅ ភូមិឆ្នុកទ្រូ ឃុំឆ្នុកទ្រូ ស្រុកបរិបូរណ៍ ខេត្តកំពង់ឆ្នាំង។
២-ឈ្មោះ រស់ ហឿន ភេទប្រុស អាយុ ៣៨ឆ្នាំ ទីលំនៅភូមិឆ្នុកទ្រូ ឃុំឆ្នុកទ្រូ ស្រុកបរិបូរណ៍ ខេត្តកំពង់ឆ្នាំង។
ប្រតិបត្តិការនោះ ដោយឃើញថាលៀសនៅលើទូកនៅរស់ ឯកឧត្តមនាយឧត្ដមសេនីយ៍ ម៉ៅ សុផាន់ អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការ កងទ័ពជើងគោក បានបញ្ជាឲ្យក្រុមការងារ យកលៀសនៅលើទូកចំនួន១០តោន ចាក់ចូលក្នុងទន្លេវិញ។

ឧត្តមសេនីយ៍ទោ សេង ធារិន មេបញ្ជាការង នាយសេនាធិការ យោធភូមិភាគទី៥ ប្រធានក្រុមក្រុមការងារបង្ក្រាបបទល្មើសនេសាទបឹងទន្លេសាប បានរាយការណ៍ជូន ឯកឧត្តម ព្រះរាជអាជ្ញា ខេត្តពោធិ៍សាត់ ហើយ ឯកឧត្តម ព្រះរាជអាជ្ញា បានចាត់តាំងមន្រ្តីជលផលមកទទួល ដើម្បីចាត់ការតាមនិតិវិធីច្បាប់ ៕