សម្តេចតេជោ ហ៊ុន សែន បង្ហាញការសោកស្តាយយ៉ាងពន់ពេក ក្រោយបាត់បង់ប្អូនថ្លៃស្រី គឺលោកជំទាវ ប៊ុន សុថា

សម្តេចតេជោ ហ៊ុន សែន បង្ហាញការសោកស្តាយយ៉ាងពន់ពេក ក្រោយបាត់បង់ប្អូនថ្លៃស្រី គឺលោកជំទាវ ប៊ុន សុថា

(ភ្នំពេញ)៖ នៅយប់ថ្ងៃទី៣ ខែកុម្ភៈ ឆ្នាំ២០២៣នេះ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានបញ្ចេញសារសោកស្តាយយ៉ាងខ្លាំងចំពោះមរណភាពប្អូនស្រីថ្លៃ គឺលោកជំទាវ ប៊ុន សុថា ហៅ ប៊ុន សាមហ៉ឹង ដោយសម្តេចចាត់ទុកថា នេះជាក្រិត្យក្រឹមធម្មជាតិរបស់មនុស្សលោក។
សម្តេចតេជោ ហ៊ុន សែន បានថ្លែងសារនៅលើបណ្តាញសង្គមហ្វេសបុកយ៉ាងដូច្នេះថា «ក្រិត្យក្រមធម្មជាតិ។ ឆ្នាំមុនបាត់បង់បងប្រុស ឆ្នាំនេះបាត់បង់ប្អូនថ្លៃស្រី»។
សូបញ្ជាក់ថា លោកជំទាវ ប៊ុន សុថា ហៅ ប៊ុន សាមហ៉ឹង ប្អូនស្រីសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ទទួលមរណភាព ក្នុងជន្មាយុ៦៧ឆ្នាំ ដោយរោគាពាធ នៅវេលាម៉ោង ៦៖១៣នាទីល្ងាចថ្ងៃទី៣ ខែកុម្ភៈ ឆ្នាំ២០២៣នេះ។ នេះបើតាមសេចក្តីដំណឹងពីមរណភាពរបស់ក្រុមគ្រួសារសព។
សពលោកជំទាវ ត្រូវតម្កល់ទុកធ្វើបុណ្យតាមប្រពៃណី នៅផ្ទះលេខ៦៦ ផ្លូវលេខ៥២៨ កែងនឹងផ្លូវលេខ២៨៥ សង្កាត់បឹងកក់ទី១ ខណ្ឌទួលគោក រាជធានីភ្នំពេញ។ សពនឹងដង្ហែ ទៅបញ្ចុះនៅវត្តបទុមវតី នៅថ្ងៃទី៧ ខែកុម្ភៈ ឆ្នាំ២០២៣៕