គ្រោះថ្នាក់ចរាចរណ៍ រវាងឡាននិងឡានបុកគ្នា បណ្ដាលឲ្យរងការខូចខាតរៀងៗខ្លួន នៅភ្នំពេញ

គ្រោះថ្នាក់ចរាចរណ៍ រវាងឡាននិងឡានបុកគ្នា បណ្ដាលឲ្យរងការខូចខាតរៀងៗខ្លួន នៅភ្នំពេញ

ភ្នំពេញ: កាលពី ថ្ងៃទី ៨ ខែមករា ឆ្នាំ២០២៣ នៅតាមបណ្តោយផ្លូវ ៤៣០ កែងនឹងផ្លូវ ១៩៩ ជាប់នឹងរបងពេទ្យរុស្ស៊ី សង្កាត់ទំនប់ទឹក ខណ្ឌបឹងកេងកង រាជធានីភ្នំពេញ។
មុនកើតហេតុគេឃើញរថយន្តព្រូស មួយគ្រឿងពណ៌ស្ករពាក់ស្លាកលេខភ្នំពេញ2AX-3873ធ្វើដំណើរតាមបណ្ដោយផ្លូវ ៤៣០ទិសដៅពីទៅជើងទៅត្បូង លុះមកដល់ចំណុចកើតហេតុខាងលើជ្រុលបុកជាមួយនឹងរថយន្តឡិចស៊ីស rx-330ពណ៌សមួយគ្រឿងពាក់ស្លាកលេខភ្នំពេញ2AN-0989ធ្វើដំណើរតាមបណ្តោយផ្លូវ ១៩៩ ទិសដៅពីកើតទៅលិច ចំពីចំហៀងកង់ខាងមុខខាងស្ដាំពេញទំហឹងបណ្ដាលឲ្យរថយន្តទាំងពីរគ្រឿងរងការខូចខាតរៀងខ្លួនយ៉ាងដំណំ ស្របពេលនោះគេឃើញភាគីមួយខាងបានខ្ទាតទៅប៉ះនឹងរថយន្តពីរគ្រឿងកំពុងចតស្រៀមលើចិញ្ចើមផ្លូវមួយគ្រឿងម៉ាកកាមរី សេរីចាស់ និងមួយគ្រឿងទៀតម៉ាកតូយ៉ូតាស៊េរីចាស់បណ្ដាលឲ្យរងការខូចខាត។

សមត្ថកិច្ចមូលដ្ឋានបានចុះមកដល់បានឲ្យភាគីទាំងពីរធ្វើការសម្របសម្រួលគ្នា ក្រោយមកភាគីទាំងពីរបានព្រមព្រៀងគ្នាយករថយន្តទៅជួសជុលរៀងៗខ្លួន និងបានចេញសំណងពាក់កណ្ដាលម្នាក់ទៅឲ្យរថយន្តពីរគ្រឿងដែលរងការខូចខាតដើម្បីបញ្ចប់រឿងនៅកន្លែងកើតហេតុ៕