រថយន្តដឹកកម្មកររោងចក្រមួយគ្រឿង បានបុកចូលទៅក្នុងផ្ទះប្រជាពលរដ្ឋ ហើយក្រឡាប់ បណ្តាលឱ្យកម្មករជាច្រើននាក់រងរបួស និងជាប់ក្នុងរថយន្ត

រថយន្តដឹកកម្មកររោងចក្រមួយគ្រឿង បានបុកចូលទៅក្នុងផ្ទះប្រជាពលរដ្ឋ ហើយក្រឡាប់ បណ្តាលឱ្យកម្មករជាច្រើននាក់រងរបួស និងជាប់ក្នុងរថយន្ត

កំពង់ស្ពឺ៖ កាលពីថ្ងៃទី៩ ខែតុលា ឆ្នាំ២០២៤ រថយន្តដឹកកម្មកររោងចក្រមួយគ្រឿង បានបុកចូលទៅក្នុងផ្ទះប្រជាពលរដ្ឋ ហើយក្រឡាប់ បណ្តាលឱ្យកម្មករជាច្រើននាក់រងរបួស និងជាប់ក្នុងរថយន្ត នៅចំនុចក្លោងទ្វារវត្តដំណាក់ត្រាច ឃុំអូរ ស្រុកភ្នំស្រួច ខេត្តកំពង់ស្ពឺ។

សមត្ថកិច្ចបានឱ្យដឹងថា រថយន្តដែលបានក្រឡាប់ជារថយន្តប្រភេទទូរីសដឹកកម្មកររោងចក្រចេញទៅធ្វើការ លុះបើកដល់ចំណុចកើតហេតុ រថយន្តបានគេចគោយន្តកន្ត្រៃដែលបើកចេញពីផ្លូវលំ រួចក៏គេចរេចង្កូតចូលទៅក្នុងផ្ទះប្រជាពលរដ្ឋដែលនៅក្បែរផ្លូវបណ្តាលឱ្យក្រឡាប់តែម្តង។ សមត្ថកិច្ចដដែល មិនបានបញ្ជាក់ពីចំនួនអ្នករងគ្រោះក្នុងឧបទ្ទវហេតុនេះនៅឡើយទេ ខណៈដែលកម្លាំងសមត្ថកិច្ចមូលដ្ឋានកំពុងជួយអន្ដរាគមន៍សង្គ្រោះកម្មករ កម្មការិនីរោងចក្រដែលកំពុងជាប់គាំងក្នុងរថយន្ត និងខ្លះរងរបួសធ្ងន់កំពុងបញ្ជូនទៅកាន់មន្ទីរពេទ្យបង្អែកស្រុកភ្នំស្រួច៕