បុរសម្នាក់ បេីករថយន្តមួយគ្រឿង រេចង្កូតជ្រុលទៅបុកបង្គោលភ្លើងបំភ្លឺផ្លូវ បណ្ដាលឱ្យបាក់រលំអស់១ដេីម

បុរសម្នាក់ បេីករថយន្តមួយគ្រឿង រេចង្កូតជ្រុលទៅបុកបង្គោលភ្លើងបំភ្លឺផ្លូវ បណ្ដាលឱ្យបាក់រលំអស់១ដេីម

ភ្នំពេញ៖ នៅ ថ្ងៃទី១០ខែតុលាឆ្នាំ២០២៤ នៅចំនុចភ្លើងស្តុបផ្សារកាប់គោ ផ្លូវព្រះនរោត្តមកែងផ្លូវលេខ២៩៤ សង្កាត់បឹងកេងកងទី១ ខណ្ឌបឹងកេងកង។ បុរសម្នាក់បានបេីករថយន្តម៉ាក Ford raptors រេចង្កូតជ្រុលទៅបុកបង្គោលភ្លើងបំភ្លឺផ្លូវបណ្ដាលឱ្យបាក់រលំអស់១ដេីម ។

មុនពេលកេីតហេតុ គេបានឃើញបុរសម្នាក់រួមដំណើរជាមួយនិងនារីម្នាក់ បានបេីករថយន្តសេ៊រីទំនើបម៉ាក Ford raptors ពណ៌ខ្មៅ ពាក់ស្លាកលេខ កម្ពុជាP.5789.M ធ្វើដំណើរតាមបណ្ដោយផ្លូវព្រះនរោត្តមក្នុងទិសដៅពីជេីងទៅត្បូងក្នុងល្បឿនលឿន លុះមកដល់ចំនុចកេីតហេតុដោយសង្ស័យថាអ្នកបេីកបរស្រវឹងស្រាទើបធ្វើឱ្យរថយន្តរេចង្កូតទៅខាងស្តាំដៃជ្រុលទៅបុកបង្គោលភ្លើងបំភ្លឺផ្លូវបណ្ដាលឱ្យបាក់ដួលរលំអស់១ដេីមសង្កត់លើស្លាកយីហោផ្ទះប្រជាពលរដ្ឋរងការខូចខាតបន្ថែមទៀត ។ រីឯរថយន្តវិញរងការខូចខាតស្រុញផ្នែកខាងមុខបត់ក្បាលត្រលប់ក្រោយវិញ តែសំណាងល្អមិនមានគ្រោះថ្នាក់ដល់មនុស្សដែលនៅក្នុងរថយន្ត ហើយភ្លាមៗនោះអ្នកទាំងពីរបាននាំគ្នាគេចចេញទៅបាត់ ដោយបន្សល់ទុករថយន្តនៅកន្លែងកើតហេតុ ៕