បុរសម្នាក់ ជិះម៉ូតូមួយគ្រឿង ជ្រុលទៅបុករថយន្តមួយគ្រឿង ដែលធ្វើដំណើរស្របទិសគ្នា ខណៈពេលដែលបើកឆ្លងផ្លូវ បណ្តាលឱ្យរងរបួសធ្ងន់ ត្រូវបានបញ្ជូនទៅមន្ទីរពេទ្យភ្លាមៗ

បុរសម្នាក់ ជិះម៉ូតូមួយគ្រឿង ជ្រុលទៅបុករថយន្តមួយគ្រឿង ដែលធ្វើដំណើរស្របទិសគ្នា ខណៈពេលដែលបើកឆ្លងផ្លូវ បណ្តាលឱ្យរងរបួសធ្ងន់ ត្រូវបានបញ្ជូនទៅមន្ទីរពេទ្យភ្លាមៗ

ភ្នំពេញ ៖ ហេតុការណ៍នេះកើតឡើងនៅ ថ្ងៃទី ០៥ ខែធ្នូឆ្នាំ២០២៤ស្ថិតនៅតាមបណ្ដោយផ្លូវលេខ៥១៦ ជិតមណ្ឌលសុខភាពសង្កាត់បឹងកក់១ ខណ្ឌទួលគោក ។
បុរសម្នាក់បានជិះម៉ូតូម៉ាកហុងដាឌ្រីម ជ្រុលទៅបុករថយន្តមួយគ្រឿងដែលធ្វើដំណើរស្របទិសគ្នា ខណៈពេលដែលបើកឆ្លងផ្លូវបណ្តាលឱ្យរងរបួសធ្ងន់ ត្រូវបានបញ្ជូនទៅមន្ទីរពេទ្យភ្លាមៗ ។

មុនពេលកើតហេតុ មានបុរសម្នាក់ជិះម៉ូតូមួយគ្រឿងម៉ាកហុងដាឌ្រីម ស៊េរីឆ្នាំ២០២៣ ពណ៌ខ្មៅ ពាក់ផ្លាកលេខ ភ្នំពេញ 1X-4879 ធ្វើដំណើរតាមបណ្ដោយផ្លូវលេខ៥១៦ ក្នុងទិសដៅពីជើងទៅត្បូងក្នុងល្បឿនលឿន លុះធ្វើដំណើរមកដល់ចំនុចកើតហេតុក៏ជិះម៉ូតូទៅបុករថយន្តមួយគ្រឿងម៉ាក NISSAN NAVARA ពណ៌ទឹកប្រាក់ ពាក់ផ្លាកលេខ រដ្ឋ18 2-0168 ដែលបត់ឆ្លងផ្លូវចំពីចំហៀងខាងឆ្វេងរថយន្ត បណ្ដាលឱ្យដួលអូសជិត៥ម៉ែត្រ រងរបួសសន្លប់ធ្ងន់ធ្ងរ ហើយភ្លាមៗនោះបងប្អូនប្រជាពលរដ្ឋបានទាក់ទងទៅកាន់រថយន្តសាមុយដើម្បីមកដឹកជនរងគ្រោះទៅសង្រ្គោះនៅមន្ទីរពេទ្យ។

សមត្ថកិច្ចមូលដ្ឋានបានចុះមកដល់ចំណុចកើតហេតុ ហើយបានធ្វើការទាក់ទងទៅសមត្ថកិច្ចជំនាញចរាចរណ៍មកធ្វើការវាស់វែងយករថយន្ត និងម៉ូតូទៅរក្សាទុកនៅអធិការដ្ឋាននគរបាលខណ្ឌទួលគោកដើម្បីរង់ចាំធ្វើការដោះស្រាយគ្នានៅពេលក្រោយ